المصور عبدالله الحساوي | Master Boy Photographer

نسبة و تناسب

قبل فترة واحد في بدايته بعالم التصوير وراني صورة لساعة مصورها كتجربة إعلانية .. الولد له نظره , بس اول ما شفت الصورة سألته كم كان سرعة الغالق !!

( لأني شفت عقرب الدقايق متحرك و الواضح انه تعريض طويل )

قال ما أدري انا اخترت وضع الـ AV وضبطت فتحة العدسة على 22 ^_^

قلت ليه : قال ..

عشانهم يقولون كل ما صارت فتحة العدسة أصغر كل ما كانت الحدة أكثر وانا ابغى تفاصيل الساعة تكون واضحة

الا الغالق صايره سرعته 30 ثانية .. قلت أيه عاد بس موب بهالشكل الله يصلحك ..

كذا ممكن تفقد الحدة المطلوبة بسرعة الغالق البطيئ لأن الكاميرا بتهتز خصوصا اذا كان الحامل الثلاثي جودته عادية نوعا ما

اللي ابغى اوصل له ان التعريض و الصفاوة والحدة المناسبين للصورة مرتبطة بثلاثة أشياء لازم يكون بينهم نسبة وتناسب ..

الآيزو

فتحة العدسة

سرعة الغالق

يعني ما اضبط شي واترك شي ثاني .. امممم بالصور نوضحها اكثر

و توضيحي بيكون للتصوير العادي بدون استثناءات ..

::: اضغط على الصور عشان تشوفها بوضوح :::

الآيـــزو