حفظ الصور وترتيبها ..
.. مع كثرة عدد الصور الفوتوغرافية في الكمبيوتر
!! ومع الحماس عشان يشوف النتيجه بأسرع وقت ويطنش الترتيب .. تصير الحوسة مالها اول ولا تالي
ولما يمر الوقت تزيد اكثر واكثر .. واذا بدا الواحد يرتبها يطفش ويطنش
:S وبعدين يكره التصوير واللي جابه ويكره اللي اخترع الكاميرا <– عسى ماشر
انا كنت بالبدايه حوسه .. انزل الصور من الكاميرا وعلى فولدر واحد صاير كأنه الحراج من حوسته
.. لما بدت تزيد الصور وتزيد الحوسة حسيت اني بأجيب العيد بالمستقبل لما ابغى صوره معينه
فـ رتبتها قبل يتأزم الوضع
.. ديليت للي ما أبغى وإعادة تسميات و و و .. لحد ما أنتهيت من كل الصور
صح انها تطفش وصعبه بالبدايه .. بس لما تحس بقيمتها راح تكمل للآخير
.. في هالموضوع ودي أقترح كذا طريقة لترتيب الصور يمكن تفيد
“الطريقة الأولى”
الترتيب بتاريخ الإلتقاط .. لكل سنه ملف وبداخله لكل شهر ملف
مثال
“الطريقة الثانية”
على حسب موضوع أو مكان التصوير .. لكل موضوع أو مكان ملف
مثال
“الطريقة الثالثة”
الترتيب على حسب الغرض من الصور
مثال
“الطريقة الرابعة”
على حسب نوع وصيغة الصور
مثال
–
ممكن نجمع أكثر من طريقة مع بعض ..
لكن أغلب الناس ما تحب كثرة الفولدرات فـ حاولت أوضح الأسهل .. وفيه طرق كثيرة مره غير هذي
بس أهم شي لا تصير حوسة ترا تكره التصوير واللي جابه وتكره اللي أخترع الكاميرا <– يا لليل البعارين : /
–
اممم بالنسبه للبرنامج اللي احب استعرض و أرتب فيه ملفاتي هو Adobe Bridge
.. مره حلو وروعة في استعراض الملفات وترتيبها
وبس D:
*لو تبي تنقل اذكر المصدر الله يصلحك
ههههههههههههههههه
أجل تكره اللي اخترع الكام :d
طريقتي في الترتيب كل طلعة أحطها في فولدر لحاله ،، وأحط اسمه بالتفصيل الممل من جد :d
يعني أذكر عندي فولدر اسمه :
[ صور الصمان في عطلة أوبك مع شباب الثانوي 3 أيام - العطلة للرياض بس ]
:d
وهذا يريحني بشكل كبير : )
بالتوفيق يا كويس : )
ترى مصختها وانت بكل شي كويس
قهرتني اعوذ بالله
يعني الواحد متى يدخل هالموقع ويشوف شي شين
مااااااااااشاء الله
حسيت ان اللي كاتب الموضوع ياباني من الترتيب
حمستني اني اصور وارتب صوري وابطل الحوسه اللي انا فيها
برتبها زي الطريقه الرابعه حبيتهااااااا
ولا يهونون الباقي
يامال الثانكيو والله
ياسلام عليك ياعبدالله
لمست الجرح
بالنسبة لي
فأيام الويندوز كنت أستخدم المجلدات حسب السنوات
وداخل مجلد كل سنة توجد مجلدات حسب الحدث
واللي ساعدني إن برنامج الكانون ينزل الصور في مجلدات حسب التاريخ
وكل الصور بصيغة الرو
فأضيف مجلد فرعي في كل مجلد وأسميه After
ليكون للصور النهائية بعد حذف الصور اللي مالها داعي والتحويل إلى JPG
وبعد ماصرت من الماكيين
صرت أنزل الصور بنفس الطريقة
ومن ثم أضيفها إلى
iPhoto
أعرف إنها سالفة
بس ما ارتحت إلا بعد مارتبتها كذا
والسلام
عبود – شرح للترتيب مريح
بس بيسوي تمرين للاصابع من كثر الكليك بالماوس
الله يا أيام أول
بجد اشتقنا لأيام المعهد
عمل جماعي وخاصة يوم الاربعاء (الورشة) وذكرآنا ماننساها
الله يوفقك ويحقق ماتتمناه
الرباعي (عبدالمجيد السيف + إبراهيم العنزان + الدريهم + مرشد المديهش) آحلى تحيه لإبداعك الملحوظ
حياكم ربي جميعا .. وان شاء الله الفايده للجميع